Um daginn heyrði ég sögu af finnskum
heimspekingi, konu sem hafði sérhæft sig í Deleuze. Hún sat á kaffihúsi í
París um miðjan tíunda áratuginn að ræða Deleuze og myndlist við franskan
kollega sinn þegar eitthvað stórt, sem líktist mannslíkama, féll til jarðar
fyrir framan kaffihúsið með háum og holum dynki. Þau gerðu hlé á tali sínu til
að athuga hvað þarna var á ferð og sáu þá að þetta var maður, hann lá í blóði
sínu á gangstéttinni. Fljótlega báru þau kennsl á líkið: þetta var
heimspekingurinn sem þau höfðu verið að ræða, Gilles Deleuze. Hann hafði afgluggað
sig, eins og Frakkar kalla það.
Þröstur Helgason
 |
| Gilles Deleuze |
Engin ummæli:
Skrifa ummæli
Ath: Aðeins meðlimir bloggsins geta birt ummæli.